स्मृती इराणीवरील वक्तव्य भोवले- जयदीप कवाडे अडचणीत

नागपूर: आमदार जोगेंद्र कवाडे यांचे पुत्र व पीपल्स रिपब्लिकन पाटीर्चे अध्यक्ष जयदीप कवाडे यांनी भाजपा नेत्या स्मृती इराणी यांच्याबाबत केलेल्या आक्षेपार्ह विधानाविरुद्ध भाजप कार्यकर्त्यांनी दाखल केलेल्या तक्रारीच्या आधारावर लकडगंज पोलिस ठाण्यात बुधवारी गुन्हा दाखल करण्यात आला आहे.
जिल्हा निवडणूक निर्णय अधिकारी अश्विन मुद्गल यांच्याकडे ही तक्रार आल्यानंतर त्यांनी ती आचारसंहिता कक्षाकडे पाठविली होती. या तक्रारीच्या आधारे पूर्व नागपूरच्या सहा. निवडणूक निर्णय अधिकाऱ्यांनी लकडगंज पोलिसांत ही तक्रार दाखल केली.

जयदीप कवाडे यांनी नागपुरातील लकडगंज भागात काँग्रेस उमेदवार नाना पटोले यांच्या सोमवारच्या प्रचार सभेत हे वक्तव्य केले. याच सभेला काँग्रेस प्रदेशाध्यक्ष अशोक चव्हाण यांनीही संबोधित केले होते. मात्र, कवाडे यांनी हे आक्षेपार्ह वक्तव्य केले त्यापूर्वीच चव्हाण निघून गेले.
कवाडे म्हणाले, स्मृती इराणी ही मस्तकावर खूप मोठे कुंकू लावते, आम्ही माहीत केल्यावर कळले की, जेवढे तिचे नवरे, तेवढेच मोठे मस्तकावरील कुंकू असते. स्मृती इराणी लोकसभेत गडकरींच्या मांडीला मांडी लावून बसते आणि संविधान संशोधन करण्याची भाषा करते, आमच्या नाना पटोले यांनी स्मृती इराणीला थेट संसदेत संविधान बदलणे हे नवरे बदलण्याएवढे सोपे काम नाही, असा सवाल केला होता, असा वादग्रस्त दावाही कवाडे यांनी या वेळी केला. कवाडे बोलत असताना पटोले व्यासपीठावर उपस्थित होते. परंतु त्यांनी कवाडेंच्या दाव्यावर मौन साधले होते.

पटोले यांनी कवाडे यांच्या या वक्तव्यावर त्यांची पाठ थोपटली अशी देखील चर्चा आहे. कवाडे यांच्या या विधानामुळे महिला वर्गच नव्हे तर रिपाई कवाडे गुटच्या अनेक महिला कार्यकर्ता देखील नाराज असल्याचे सांगितल्या जाते. पँथर चळवळीचे उदगाते जोगेंद्र कवाडे यांचे चिरंजीव यांचे हे वक्तव्य मुळीच समर्थनीय नसल्याचे महिला कार्यकर्त्यांनीही मत व्यक्त केले.

संविधान चौकात भाजप महिला कार्यकर्त्यांचं मूक प्रदर्शन-

संविधान चौकात मूक प्रदर्शन करताना कीर्तिदा अजमेरा,अर्चना देहनकर,संध्या ठाकरे,लता एरखेड़े,निता ठाकरे,सीमा ढोमने,पूजा तिवारी,प्रीति राजदेरकर,अनसूया गुप्ता ,मंगला गोतमारे ,वर्षा चौधरी,कल्पना तदस,सपना तलरेजा,आशा गुप्ता,हर्षा जोशी,वर्ष पैकडे,कल्याणी तेलंग, प्रतिभा वैरागड़े, उमा ताई पिम्पलकर आदी ने मुंह पर काली पट्टी, काली साड़ी व बड़ी बिंदी लगाकर मूक प्रदर्शन केले.