नासुप्र’ने हटविली अनाधिकृत सुरक्षा भिंत

नागपूर १६:* मौजा सोमलवाडा, खसरा क्रमांक ८५/१ येथील जयहिंद को.ऑप. हॉ. सोसायटी अभिन्यासातील १८.०० मी. रुंद रस्त्यावर असलेले सुरक्षा भिंतीचे बांधकाम नागपूर सुधार प्रन्यासतर्फे आज शनिवार दिनांक १६ फेब्रुवारी रोजी हटविण्यात आले. जयहिंद को.ऑप. हॉ. सोसायटी अभिन्यासातील भूखंड क्रमांक २३ चे भूखंडधारक श्री रमेश जोतीरामजी लोखंडे यांनी या सुरक्षा भिंतीचे बांधकाम केले होते. या अवैध बांधकामासाठी श्री. रमेश लोखंडे यांना दिनांक ०५/०९/२०१८ रोजी नासुप्रतर्फे नोटीस बजावण्यात आली होती. नोटीसची मुदत संपुष्टात येताच नासुप्र’च्या शतिपथकाद्वारे अतिक्रमण निर्मूलन कार्यवाही करण्यात आली. यावेळी कनिष्ठ अभियंता श्री. भगवान कुर्जेकर, स्थापत्य अभि. सहाय्यक श्री. अजयकुमार जांभुळकर व शतिपूर्ती पथक श्री. मनोहर पाटील आणि इतर कर्मचारी उपस्थित होते.